Sassa is bekommerd oor onwettige aftrekkings

Die Suid-Afrikaanse agentskap vir maatskaplike sekerheid (Sassa) sê hulle is bekommerd oor onwettige aftrekkings wat deur sekere finansiële diensverskaffers van toelaes gemaak word. Nuusflits berig volgens SASSA se uitvoerende hoof het begunstigdes gekla dat hul geld sonder toestemming deur versekeraars afgetrek word. Hy beklemtoon dat Sassa geen reg het om aftrekkings te maak nie, en voeg by “Jou geld is jou geld. Indien jy vir ’n toelae kwalifiseer, behoort dit aan jou.” Slegs een aftrekking van hoogstens 10 persent vir ’n geregistreerde begrafnispolis mag wettiglik per maand gedoen word, en net met die begunstigde se toestemming.