SASSA ontken betrokkenheid by beweerde polisbedrog

Die Suid-Afrikaanse Agentskap vir Maatskaplike Sekerheid, SASSA, het hom gedistansieer van bewerings dat pensioenarisse mislei word om begrafnispolisse uit te neem.

Volgens SABC News is sommige bejaarde toelaetrekkers glo met voedselpakkies gelok om dokumente te onderteken, waarna geld van hul maatskaplike toelaes afgetrek is.

Berigte dui daarop dat sommige begunstigdes maandelikse aftrekkings van tot R240 op hul toelaes opgemerk het sonder dat hulle daarvan bewus was.

SASSA-woordvoerder Paseka Letsatsi sê die agentskap mag wettiglik nie weier om aftrekkings te verwerk wanneer 'n begunstigde die nodige dokumentasie onderteken het nie.

Hy beklemtoon egter dat SASSA nie by die beweerde bedrogspul betrokke is nie.

Ter illustrasie. FOTO: IOL