Sassa ontslaan 65 amptenare weens wangedrag en bedrog

Die Suid-Afrikaanse Agentskap vir Maatskaplike Sekerheid (Sassa) het sedert April verlede jaar 65 amptenare weens wangedrag en bedrog afgedank.

Volgens die hoof- uitvoerende beampte, Themba Matlou, is 106 van die 134 aangemelde sake afgehandel, terwyl 28 nog hangende is. Vier amptenare is onskuldig bevind, en 16 sake is teruggetrek.

Die Oos-Kaap het die hoogste aantal afdankings met 19 aangeteken, gevolg deur Mpumalanga en Gauteng met 13 elk.

Matlou het voorts doodsdreigemente teen amptenare wat korrupsie ondersoek, veroordeel.

Ter illustrasie. FOTO: The South African