Sassa se planne laat begunstigdes sukkel
- Armando Pieters
- Jun 9
- 1 min read
Die Suid-Afrikaanse Maatskaplike Sekerheidsagentskap (Sassa) se pogings om die integriteit en sekuriteit van sy stelsels te verbeter, raak glo sommige begunstigdes.
Begunstigdes wat afhanklik is van toelaes beweer dat hulle sukkel om vir hulself of hul gesinne te sorg weens Sassa se biometriese verifikasieproses.
Die DA sê Sassa moet hierdie ontvangers en diegene wat sukkel om hul besonderhede aanlyn te verifieer of by te werk help.
LEES MEER:
Die DA se Bridget Masango sê die biometriese verifikasieproses moet nie begunstigdes viktimiseer wie se maatskaplike toelaes hul enigste reddingsboei is nie.
Masango sê hulle het aan die minister van Maatskaplike Ontwikkeling, Sisisi Tolashe, en die uitvoerende hoof van Sassa, Themba Matlou, geskryf oor hierdie saak.
LUISTER:
Comments