Sassa wil minder besoeke aan kantore hê

Die Suid-Afrikaanse Maatskaplike Sekerheidsagentskap, of te wel Sassa, werk daaraan om die aantal toelaagontvangers wat hul kantore besoek, te verminder.

’n Biometriese inskrywingstelsel wat in September verlede jaar bekendgestel is, maak dit makliker vir begunstigdes om vir toelaes aansoek te doen en hul status op afstand te verifieer.

Vingerafdruk- en gesigsherkenningstegnologie word gebruik om identiteite te bevestig en bedrog te bekamp.

Volgens Sassa se uitvoerende bestuurder vir toelaagadministrasie, Brenton van Vrede, kan aansoekers nou aanlyn aansoek doen sonder om ’n kantoor te besoek.

Ter illustrasie. FOTO: IOL