See- en strandgangers word gewaarsku oor die nuwemaanspringgety

Met die skoolvakansie wat vandag begin het die Nasionale Seereddingsinstituut (NSRI) see- en strandgangers oor die komende nuwemaanspringgety gewaarsku. Die springgety sal Saterdag, Sondag en Maandag plaasvind. Strandgangers sal hoër-as-normale hoogwater en laer-as-normale laagwater ervaar, en daar sal ook sterker skeurstrome wees. Die NSRI se woordvoerder, Andrew Ingram, doen ‘n beroep op strandgangers om by strande met lewensredders beskermde te swem.