Senior polisiebeamptes eis glo miljoene van Matlala
- Saamgestel deur Nadia Pieters
- Nov 18
- 1 min read
‘n Sakeman van Noordwes, Brown Mogotsi, sê Vusimuzi Cat Matlala beweer senior polisiebeamptes het miljoene van hom geëis.
Mogotsi het vandag voor die Madlanga-kommissie van ondersoek getuig.
Hy sê Matlala het hom meegedeel dat die nasionale polisiekommissaris, generaal Fannie Masemola, en die voormalige minister van Polisie, Bheki Cele, groot betalings van Matlala as hul diensverskaffer verwag het.
Die twee het onderskeidelik R25 en R10 miljoen geëis.
Volgens Mogotsi het hulle glo ook ‘n terugkeerstrategie vir Cele beraam en die verwydering van die adjunk-polisiekommissaris, generaal Shadrack Sibiya, versoek.
Comments