Senzo Mchunu word beskuldig van inmenging by ‘n Idac-ondersoek

Saamgestel deur Ilde Roos
Aug 6
1 min read

Die geskorste minister van Polisie, Senzo Mchunu, is daarvan beskuldig dat hy ingemeng het in ‘n ondersoek van die Ondersoekdirektoraat Teen Korrupsie (Idac).

Die Idac-aanklaer, Drushantha Ramsamy, het Woensdag aan die Madlanga-kommissie gesê dat Mchunu ‘n besondere belangstelling getoon het in ‘n ondersoek na die aankoop van twee vurkhysers ter waarde van meer as R700 000 met behulp van geheime fondse van misdaadintelligensie.

Sy sê die geskorste Idac-hoofondersoeker, Dylan Perumal, het vir haar gesê dat ‘n sleutelgetuie na die Oos-Kaap gevlieg is om hom te ontmoet, na bewering deur Mchunu.

Ramsamy sê Mchunu se betrokkenheid het blykbaar verder gegaan as om opdaterings oor die ondersoek te ontvang.