Ses verdagtes is vasgetrek vir sandmynbou naby Theunissen

Ses verdagtes is in hegtenis geneem tydens 'n Operasie Vala uMgodi-klopjag op die Blaawdrift-plaas naby Theunissen in die Vrystaat. Volgens 'n polisieverklaring is die verdagtes betrap terwyl hulle onwettig sand gemyn het. Dit is glo in stryd met die Wet op die Ontwikkeling van Minerale en Petroleumhulpbronne. Twee vragmotors en 'n trekkerlaaier is gekonfiskeer. Die verdagtes sal op Maandag, 19 Mei, in die Theunissen-landdroshof verskyn. Die polisie het 'n saak van onwettige mynbou geopen en ondersoek moontlike skakels na verdere oortredings.