Sibiya se beweerde tiener-verkragtingslagoffers is veilig

Saamgestel deur Ilde Roos

1 hour ago

1 min read

Die tieners wat na bewering seksueel deur die geskorsde adjunk-nasionale polisiekommissaris, Shadrack Sibiya, aangerand is, is veilig.

Dit is volgens die Nasionale Vervolgingsgesag (NVG) ná onthullings Donderdag in die Randburg-landdroshof dat een van Sibiya se goeie vriende na bewering kort ná sy inhegtenisneming verlede week beplan het om met getuies in te meng.

EWN berig Sibiya word daarvan beskuldig dat hy ’n 16-jarige minderjarige seksueel voorberei en ’n 18-jarige vrou by ’n hotel in Sandton verkrag het.

Tydens Sibiya se verskyning verlede week het een van sy goeie vriende beweer dat heksery teen Sibiya gebruik word deur mense wat hom uit die Suid-Afrikaanse Polisiediens wil verwyder. Die ondersoekbeampte het egter ’n opgeneemde telefoonoproep in die hof gespeel waarin die vriend gehoor kan word waar hy sê hulle moet die 18-jarige vrou opspoor en met haar praat.

NVG-woordvoerder Kaizer Kganyago sê die tieners is veilig en skryf tans eksamen.