Skoonheidskoningin se ma in Kaapstad aangekeer

Die departement van Binnelandse Sake het die ma van die omstrede Nigeriese model en dié land se finalis in die Mejuffrou Heelal-kompetisie, Chidimma Adetshina, in Kaapstad in hegtenis geneem. SABC-nuus berig verder Adetshina was verlede jaar in die nuus toe sy haar as finalis aan die Mejuffrou Suid-Afrika-kompetisie onttrek het nadat dit aan die lig gekom het dat haar ma – ‘n Mosambiekse burger – moontlik aan identiteitsdiefstal en bedrog skuldig is. Sy en haar ma is toegang tot Suid-Afrika belet en hul Suid-Afrikaanse dokumente is teruggetrek. Adetshina se pa is ‘n Nigeriese burger. Ondersoekers van die departement van Binnelanse Sake het haar ma, Anabela Rungo, intussen by ‘n eiendom in Kaapstad opgespoor.