Slegte nuus vir braailiefhebbers

Vleispryse in Suid-Afrika bly steeds hoog. Volgens die jongste braai-indeks is die tipiese braaimandjie 6,7% duurder as ’n jaar gelede. Dit is ondanks ’n 3% daling maand-tot-maand weens goedkoper groente.

Business Tech berig beesvleis bly die grootste drukpunt, met pryse wat die afgelope jaar byna 29% gestyg het ná die bek-en-klouseer-uitbreking.

Ekonome sê hoewel inflasie later vanjaar kan afkoel, is dit onwaarskynlik dat vleispryse sommer gou gaan daal.