Slenkdalkoors hou nou ook 'n wesenlike gevaar in
- Saamgestel deur Ilde Roos
- Feb 26
- 1 min read
Te midde van bek-en-klouseer wat Suid-Afrika se vee in ‘n greep het, staar boere ook die baie werklike bedreiging van slenkdalkoors in die gesig.
Nova News berig Beefmaster Group raai boere aan om proaktiewe stappe te neem, veral ná hewige somerreën wat tot meer muskiete lei. Slenkdalkoors is ‘n voorkombare virale siekte wat deur muskiete gedra word, en kan kuddes sowel as mense affekteer. Dit kan die hele teelseisoen in gedrang bring as dit nie vroegtydig behandel word nie.
‘n Dieregesondheidspesialis by Beefmaster Group, Thapelo Ramokala, sê skape word gewoonlik die ergste geaffekteer, en jong diere en dragtige vroulike diere is die mees kwesbaar.
In mense sluit simptome in koors, hoofpyn, spier- en gewrigpyn, en moegheid.
Rosestad-nuus se Ilde Roos verduidelik verder dat Ramokala sê vroegtydige inenting is die beste verweer.
LUISTER HIER:
TRANSKRIPSIE:
Inenting moet onder ‘n veearts se toesig plaasvind, aangesien sommige inentings nie veilig is in vroeë swangerskap nie. Inentings moet ook verkieslik voor die reënseisoen gebeur. Hy beveel ook aan dat boere streng higiëne toepas, en hul hande, klere en toerusting was nadat diere hanteer is. Siek diere moenie geslag word nie, en rou melk moet vermy word.
Comments