Slim trollies kry positiewe terugvoer
- Saamgestel deur Nadia Pieters
- 6 minutes ago
- 1 min read
Shoprite sê hulle het positiewe terugvoer ontvang oor slim inkopietrollies wat tans by twee Checkers-winkels getoets word.
MyBroadband berig die tegnologie word by Checkers Hyper Brackenfell en Checkers Constantia beproef.
Die sogenaamde Xpress Trollies is toegerus met ’n skandeerder en tablet waarmee klante hul produkte self skandeer en betaal, sonder om by ’n betaalpunt te wag.
Betaling word outomaties van ’n bankkaart afgetrek wat aan die kliënt se XtraSavings-profiel gekoppel is.
Volgens Shoprite het meer as ’n derde van gebruikers die trollies binne ’n maand weer gebruik.
Die maatskappy sê gebruik het oor alle ouderdomsgroepe toegeneem, veral tydens vinnige inkopies.
Die toetsfase word gebruik om die lewensvatbaarheid en impak op kliënte-ervaring en bedryfsdoeltreffendheid te evalueer.
Comments