SOKKER: Banyana Banyana maak gereed vir Wafcon-halfeindstryd teen die Super Falcons in Casablanca

Banyana Banyana-afrigter Desiree Ellis erken dat moegheid ‘n faktor kan wees terwyl haar span voorberei vir hul Wafcon-halfeindstryd teen Nigerië Dinsdagaand. Die verdedigende kampioen is steeds onoorwonne in hulle laaste 10 wedstryde terwyl Nigerië ook in puik vorm is en het reeds nege doele aangeteken en nog geen afgestaan nie. Ellis glo haar span het die ervaring en doelgerightheid om die Super Falcons  te oorkom maar het beklemtoon dat hulle vir die volle 90 minute gefokus moet bly. Dié kragmeting skop om 18:00 (SA Tyd) in Casablanca af terwyl die gasheer Marokko en Ghana mekaar in Rabat in die ander halfeindstryd gaan ontmoet.