SOKKER: Man City sluit ‘n nuwe uitrustingsooreenkoms

Die Engelse Premierligaklub, Manchester City, het ‘n nuwe uitrustingsooreenkoms vir die volgende tien jaar met Puma - ter waarde van £1 miljard - onderteken. Dit maak dit die grootste klereborgvennootskap in die geskiedenis van die Premierliga, en oortref die ooreenkoms van £90 miljoen per jaar wat Manchester United met Adidas in 2023 onderteken het. Alhoewel Pep Guardiola se Sky Blues derde in die Premierliga geëindig het nadat hulle vier agtereenvolgende titels gewen het en ook in die FA-Beker eindstryd deur Crystal Palace uitgestof is, het die uitvoerende hoof van Puma, Arthur Hoeld, hul vennootskap - wat reeds sedert 2019 strek - as ‘n perfekte platform vir hul hoëprestasieprodukte en kommersiële sukses beskryf.