SOKKER: Man United beplan stadion wat 100 000 toeskouers kan huisves

Manchester United het planne onthul om ‘n nuwe stadion met 100 duisend sitplekke langs die huidige Old Trafford te bou. Mede-eienaar Jim Ratcliffe het opgewondenheid uitgespreek en dit die “begin van ’n reis” genoem om die wêreld se grootste sokkerstadion te bou. Die Britse miljardêr het lank gepleit vir ‘n moderne terrein sedert hy in 2023 ‘n minderheidseienaar geword het. Argitekontwerpe vir die nuwe stadion is Dinsdag by ‘n geleentheid in Londen bekend gestel.