SOKKER: SuperSport United bly kalm ondanks relegasie-gevaar

Saamgestel deur Armando Pieters
Apr 1, 2025
1 min read

SuperSport United se afrigter, Andre Arendse, dring daarop aan dat sy span angstigheid moet vermy, al sit hy tweede van onder na ‘n doellose gelykopuitslag teen Cape Town City.

Met net 22 punte uit 22 wedstryde, bly Arendse, wat Gavin Hunt vervang het, vol vertroue dat sy span die kwaliteit het om relegasie vry te spring.

Hy erken die tyd raak min, maar glo oorwinnings is binne bereik as die span by hul wedstrydplan hou.

SuperSport staar nou ‘n deurslaggewende reeks wedstryde in die gesig, waar hulle vertonings in oorwinnings moet begin omskep om hul voortbestaan in die topvlug te verseker.