Sonkragopwekking by huise neem toe
- Saamgestel deur Nadia Pieters
- Jun 19
- 1 min read
Die hoeveelheid sonkrag wat by huise en besighede regoor Suid-Afrika opgewek word, het die afgelope jaar aansienlik toegeneem.
Volgens die jongste data van die Nasionale Transmissiemaatskappy van Suid-Afrika het die gekombineerde kapasiteit van dié stelsels verlede maand meer as 8 000 megawatt bereik.
Dit is byna 2 000 megawatt meer as in dieselfde maand verlede jaar.
Die maatskappy sê die groei in private elektrisiteitsopwekking help ook om druk op Eskom se netwerk te verlig.
Comments