Sowat 25 passasiers beseer nadat trein in Paarl ontspoor

Sowat 25 mense is beseer en ander vasgekeer toe 'n passasierstrein op pad na Wellington by die Dal Josafat-stasie in die Paarl, in die Wes-Kaap, ontspoor het. The Citizen berig omstanders het geskok toegekyk hoe die Drakenstein-rampbestuurspan op die grond besig was om reddingsoperasies uit te voer in die nasleep van die voorval. Volgens Drakenstein Plaaswag (DFW), is 'n versoek om dringende bystand ontvang met verskeie noodgroepe wat op die oproep gereageer het. DFW het op hulle sosiale media aangekondig dat redders daarin geslaag het om die beseerdes wat vasgekeer was te bevry. Die oorsaak van die ontsporing is in dié stadium nog onbekend.