Spanning tussen die VSA en Iran vertroebel ekonomiese vooruitsigte

Saamgestel deur Nadia Pieters
4 days ago
1 min read

Hernieude spanning tussen die Verenigde State van Amerika (VSA) en Iran kan Suid-Afrika se ekonomiese vooruitsigte beïnvloed.

Sanlam Investments-ekonoom Patrick Buthelezi waarsku dat die herlewing van die konflik wêreldwye voorsieningskettings ontwrig en die onlangse daling in internasionale oliepryse omgekeer het.

Hy sê dit kom terwyl die Suid-Afrikaanse Reserwebank voorberei om later die week sy volgende rentekoersbesluit aan te kondig.

Volgens Buthelezi kan Suid-Afrika se voortgesette ekonomiese hervormings egter help om die impak van hoër energiepryse en Amerikaanse invoertariewe te beperk.