Spanning tussen SA en die VSA neem toe
Oct 5
1 min read
Diplomatieke spanning tussen Suid-Afrika en die Verenigde State (VSA) neem steeds toe.
Die Amerikaanse ambassadeur in Suid-Afrika, Leo Bozell, het Sondag op X beweer dat die minister van Internasionale Betrekkinge, Ronald Lamola, hom persoonlik beledig het.
Hy het gereageer op ’n berig in die Sunday Times waarin Lamola aangehaal is met die woorde dat Bozell uit die kombuis moet bly as hy moeg is om te praat.
Die jongste voorval volg nadat Lamola se kantoor bevestig het dat Bozell sy derde formele diplomatieke vermaning ontvang het sedert hy vroeër vanjaar sy pos aanvaar het.
Bozell sê hy verwag dat sy kritiek teen Lamola tot nóg ’n formele berisping oor ondiplomatieke gedrag sal lei.
Comments