Steenhuisen inspireer leerders by ‘n Bloemfonteinse skool

Leerders by Dr. Bohmer Vaardigheidskool in Bloemfontein het hul opgewondenheid uitgespreek oor die besoek van die minister van landbou, John Steenhuisen. SABC News berig Steenhuisen het die skool besoek, wat 'n landbouprogram vir kinders met spesiale onderwysbehoeftes aanbied. Die leerlinge sê hulle het landbouvaardighede by die skool aangeleer, wat hulle sal help om deel te neem aan die groei van die land se ekonomie. Die minister sal ook die Rosemead-plaas besoek wat deur 'n vroulike boer in Soutpan besit word. Die besoeke vorm deel van die minister se uitreikprogram vir vrouemaand, wat daarop gemik is om vroue se bydraes in die landbousektor te erken en te vier.