Suid-Afrika gaan help om die mensdom weer in meer as 50 jaar op die maan te kry

Suid-Afrika gaan 'n klein aandeel hê daarin om die mensdom weer op die maan te kry.

Die waarnemende uitvoerende beampte van ruimte-operasies by die Suid-Afrikaanse Nasionale Ruimte-Agentskap (Sansa), Tiaan Strydom, sê hulle sal die Artemis III-missie met sy Hartebeeshoek-fasiliteit ondersteun, aangesien dit ook kommunikasiedienste aan die Apollo-program voorsien het, wat die eerste mense in 1969 na die maan gestuur het.

News24 berig 'n nuwe fasiliteit word naby die Karoo-dorpie van Matjiesfontein gebou, wat 'n rol sal speel om konstante kommunikasie tussen die ruimtetuig en die aarde te verseker. Dit sal een van drie fasiliteite wêreldwyd wees.

Die Artemis III-missie is geskeduleer om in die middel van 2027 plaas te vind, en sal die eerste poging in meer as 50 jaar wees om op die maan te land.