Suid-Afrika is die wêreld se vriendelikste land

Saamgestel deur Ilde Roos
1 day ago
1 min read

Suid-Afrika is aangewys as die wêreld se vriendelikste land in ‘n wêreldwye studie deur die finansiëlediensteverskaffer Remitly.

Navorsers het meer as 3 000 mense in 27 lande ondervra deur die aangenaamheidsafdeling van die Groot Vyf Persoonlikheidstoets te gebruik. Suid-Afrika het 34,63 uit 40 behaal, voor Griekeland, Kroasië, Mexiko en Swede.

Deelnemers is beoordeel op eienskappe soos besorgdheid oor ander, bereidwilligheid om te help en die vermoë om mense op hul gemak te stel.

Die studie het ook die land se bekostigbaarheid, natuurlike skoonheid, kulturele diversiteit en 11 amptelike tale uitgelig as faktore wat dit verwelkomend maak.