Suid-Afrika se vaardigheidstekort neem toe

Suid-Afrikaanse maatskappye waarsku teen ’n toenemende vaardigheidstekort.

Volgens die jongste Xpatweb Critical Skills-opname het 84% van groot werkgewers, insluitend JSE-genoteerde en multinasionale firmas, hierdie jaar gesukkel om geskikte plaaslike talent te vind.

Dit is in vergelyking met 79% verlede jaar.

Ingenieurs-, inligtingstegnologie- en ambagsrolle bly die moeilikste om te vul, terwyl gesondheidsorg- en finansiële sektore ook groter tekorte toon.

Xpatweb sê die kritieke vaardigheidslys moet dringend opgedateer word om die land se huidige behoeftes te weerspieël.

Ter illustrasie. FOTO: Indeed