Suid-Afrikaanse musiek toon ongekende groei op Spotify

Volgens Spotify se Loud en Clear Transparency Report het Suid-Afrikaanse musiek die afgelope jaar ongekende groei op die oudiostroomreus behaal, met plaaslike kustenaars wat rekord-tantieme verdien het. Volgens die verslag het tantieme vir Suid-Afrikaanse kunstenaars ongeveer R400 miljoen bereik, wat ‘n 54 % toename in vergelyking met 2023 is. Dit wys ook dat meer as 200 miljoen gebruiker-geskepte snitlyste op die platform plaaslike kunstenaars bevat. Spotify sê musiekliefhebbers spandeer gemiddeld daagliks meer as 600 000 uur deur na Suid-Afrikaanse kunstenaars te luister.