Suid-Afrikaners moet die feestydperk met omsigtigheid benader

Kenners waarsku Suid-Afrikaners om die feestydperk met omsigtigheid te benader.

Swart Vrydag sal vanjaar op 28 November plaasvind en het in ‘n baie kort tyd uiters gewild geword.

Ekonomiese druk, hoë skuldvlakke en die toename in aanlyn-swendelary beteken dat kopers versigtig moet beplan om finansiële probleme te vermy.

Die ekonoom, Dawie Roodt, sê dat ten spyte van die aantrekkingskrag van afslag en die toename in aanlyn inkopies, hy vanjaar ‘n gedempte aanvraag verwag.

Intussen waarsku ‘n ander ekonoom, Ulrich Joubert, dat baie Suid-Afrikaners die risiko loop om gedurende die feestyd te oorbesteë.

FOTO: Wix