Suid-Afrikaners word aangemoedig om hul soutinname te verminder

Terwyl die land Wêreldsoutbewustheidsweek vier, word Suid-Afrikaners aangemoedig om hul soutinname te verminder.

Die parlement se portefeuljekomitee oor gesondheid sê die week fokus op die gesondheidsrisiko’s wat met oormatige soutinname verband hou, insluitend hoë bloeddruk, hartsiektes en beroertes.

Volgens die komitee is die vermindering van soutinname een van die doeltreffendste maniere om nie-oordraagbare siektes te voorkom.

Die publiek word aangeraai om voedseletikette noukeurig te lees en sout in hul dieet te beperk.

Die komitee sê beide die voedselbedryf en verbruikers het ’n rol om te speel in die bevordering van beter openbare gesondheid.

Ter illustrasie. FOTO: Wix