Suliman Carrim bly in aanhouding

Saamgestel deur Ilde Roos

2 days ago

1 min read

Die sakeman Suliman Carrim bly in aanhouding, ondanks die feit dat borgtog toegestaan is in ’n saak wat verband hou met sy versuim om voor die Madlanga-kommissie te verskyn.

Die Pretoria-landdroshof in Gauteng het Carrim Woensdag borgtog van R100 000 toegestaan, onder streng voorwaardes. Een van die voorwaardes vereis dat sy regsverteenwoordiger die kommissie kontak en reëlings tref vir sy volgende verskyning.

Carrim staan egter ook tereg in ’n afsonderlike saak in Limpopo en sal na verwagting Vrydag in dié saak om borgtog aansoek doen.

Hy en twee van sy werknemers word daarvan beskuldig dat hulle probeer het om twee Absa-voertuie onwettig uit Suid-Afrika te smokkel.