SUT, Centlec span saam om leierskapvaardighede te laat herleef

Die Sentrale Universiteit van Tegnologie (SUT) en Centlec, in Bloemfontein, het 'n unieke program vir uitvoerende leierskap en bestuursontwikkeling bekendgestel. Die program is spesiaal vir 20 Centlec uitvoerende- en senior bestuursamptenare ontwerp. Met sy unieke benadering, word daar gefokus om die vaardighede op 'n praktiese en effektiewe wyse te revolusioneer. Nie net is die 6-maande program gesertifiseerd nie, maar word ook deur die SUT geakkrediteer. Die program voldoen ook aan die nuwe benadering van onderwys en opleiding wat die ontwikkeling, opgradering en multi-vaardighede van menslike kapitaal in die gemeenskap verseker.