SUT-gradeplegtigheid in Bloemfontein afgesluit

Die Vrystaatse Sentrale Universiteit van Tegnologie (SUT) se herfsgradeplegtigheid het by die Welkom-kampus afgeskop en sal die week by die Bloemfontein-kampus afgesluit word. Volgens ‘n artikel op SUT se webtuiste sal altesaam 3 715 gegradueerdes van beide kampusse hul kwalifikasies ontvang. Onder hulle sal daar aan 21 doktorsgrade toegeken word, terwyl 38 hul meestersgrade sal ontvang. In sy gelukwensingsboodskap het die Adjunk Visekanselier van onderrig en leer, prof. David Ngidi, die 729 Welkom-kampus-gegradueerdes vir hul prestasies en harde werk gelukgewens. Hy het ook die ouers, voogde en dosente vir hul aanmoediging en ondersteuning gedurende die gegradueerdes se akademiese reis bedank.