SWEM: SA swemmers sukkel by die Wêreldwatersport se kampioenskapsbyeenkoms in Singapoer

Die Suid-Afrikaanse oopwaterswemmers Connor Buck en Ruan Breytenbach het gesukkel in die 10km-oopwaterswem op Wêreldwatersport se kampioenskapsbyeenkoms in Singapoer. Buck en Breytenbach het onderskeidelik 36^ste en 24^ste geëindig met tye van 2:09.37 en 2:05.07. In die vroue-afdeling het die 19-jarige Callan Lotter ‘n 16^de plek behaal in 2:14.01 terwyl haar landgenoot Catherine van Rensburg 25^ste was in ’n tyd van 2:19.40. Australë is tans bo-aan die medalje-tabel met een goud en een brons gevolg deur Duitsland met een goud en Italië met twee silwer en Monaco met een brons in die vierde plek. Die Wêreldwatersport se kampioenskapsbyeenkoms duur tot die 3^de Augustus.