Talle Nigeriërs verlaat Suid-Afrika

Byna 1 500 Nigeriese burgers is uit Suid-Afrika ontruim en het na hul tuisland teruggekeer.

Die ontruiming het plaasgevind te midde van toenemende druk op ongedokumenteerde buitelanders om die land te verlaat.

Burgers van ander Afrikalande, waaronder Ghana, Malawi, Mosambiek, Uganda en Zimbabwe, het Suid-Afrika ook as deel van regeringsondersteunde repatriasieprogramme verlaat.

Suid-Afrika is die afgelope paar weke deur protesoptogte geraak waarin immigrante daarvan beskuldig is dat hulle werk en ander hulpbronne van Suid-Afrikaners wegneem.

Volgens AFP sê Nigerië se ministerie van buitelandse sake die repatriasie is vroeër die week voltooi.

Ter illustrasie. FOTO: Unsplash