Taxi-tariewe kan vroeër styg
- Saamgestel deur Nadia Pieters
- Mar 30
- 1 min read
Die Suid-Afrikaanse Nasionale Taxiraad (Santaco) waarsku dat pendelaars moontlik vroeër as verwag meer vir taxi’s sal moet betaal.
Dit kom te midde van verwagte skerp stygings in brandstofpryse later dié week.
Petrol kan met meer as R5 per liter styg, terwyl diesel met meer as R10 per liter kan toeneem.
Santaco sê dié druk kan operateurs dwing om tariewe reeds teen Woensdag aan te pas.
Die raad meen die bedryf is onder ernstige druk en dat die situasie buite sy beheer is.
Comments