Toerismemaand skop af in Bloemfontein

Die Vrystaat se 2025 Toerismaand is amptelik tydens ‘n kleurvolle Lente Sondag Soul-Session-piekniek by die Vrystaatse Botaniese Tuine in Bloemfontein afgeskop. Central News berig die geleentheid is Sondag onder die tema “Toerismevolhoubaarheid en Transformasie” gevier. DESTEA se LUR Ketso Makume, het planne uiteengesit om verborge juwele ten toon te stel, werkskepping en inklusiwiteit in alle distrikte te bevorder, en die Vrystaat as 'n moet-besoek-bestemming eerder as 'n blote deurgangspunt geposisioneer. Die Botaniese Tuin het 'n gepaste agtergrond gebied wat die provinsie se natuurlike skoonheid en unieke besienswaardighede simboliseer. As een van die min botaniese tuine in Suid-Afrika waar besoekers braaivleis te midde van sensitiewe plantegroei kan geniet, is dit 'n voorbeeld van die Vrystaat se mengsel van bewaring en ontspanning.