Tongaat Hulett se toekoms hang in die weegskaal

Die toekoms van die suikerprodusent, Tongaat Hulett, hang in die weegskaal terwyl die Durban-hooggeregshof ’n aansoek aanhoor om die maatskappy te likwideer.

Die maatskappy, wat reeds in 2022 in sakeredding geplaas is, kon nie die nodige befondsing bekom om sy skuld van meer as R11.7 miljard te hanteer nie.

Dit volg nadat ’n voorgestelde verkryging deur die Vision-konsortium in duie gestort het.

Tongaat Hulett se finansiële probleme spruit uit ’n rekeningkundige skandaal in 2019, wat tot jare van druk en mislukte reddingspogings gelei het.

Indien die hof die likwidasie goedkeur, kan dit verreikende gevolge hê, met duisende direkte en indirekte werksgeleenthede wat in die gedrang is.

Ter illustrasie. FOTO: Wix