Transnet herwin ‘n wêreldrekord vir die langste vragtrein

Transnet Freight Rail het die wêreldrekord vir die langste vragtrein herwin nadat hulle 'n trein van 6.7km met 696 waens bedryf het.

Die trein het langs die 861km lange ystererts-uitvoerlyn beweeg, wat Sishen in die Noord-Kaap met die hawe van Saldanha in die Wes-Kaap verbind.

Transnet het radioverspreide krag-tegnologie gebruik om elektriese en diesel-elektriese lokomotiewe wat dwarsdeur die trein geplaas is, elektronies te koppel.

Suid-Afrika het die rekord voorheen in 1989 gehou, voordat Australië se BHP Iron Ore in 2001 'n nuwe rekord opgestel het met 'n trein van sewe-komma-drie kilometer wat 682 waens vervoer het.

FOTO: X