Trump kondig ‘n skietstilstand met Iran aan

Saamgestel deur Nadia Pieters
3 days ago
1 min read

Die Amerikaanse president Donald Trump sê hy het ingestem tot ’n twee-week lange skietstilstand met Iran.

Volgens SABC News kom die aankondiging minder as twee uur voor ’n sperdatum wat Washington aan Teheran gestel het om die Straat van Hormuz te heropen.

Trump het vroeër gewaarsku dat ernstige aanvalle op burgerlike infrastruktuur sou volg indien sy eise nie nagekom word nie.

Die voorgestelde skietstilstand is afhanklik daarvan dat Iran sy blokkade van olie- en gasverskepings deur die strategiese seestraat opskort.

Die roete hanteer sowat ’n vyfde van die wêreld se olieversendings.

Trump sê die ooreenkoms volg nadat militêre doelwitte glo bereik is, en dat onderhandelinge oor langtermynvrede in die Midde-Ooste reeds goed gevorder het.