Trump sê Suid-Korea moet help by die Straat van Hormuz

Saamgestel deur Ilde Roos
4 hours ago
1 min read

Die Amerikaanse president Donald Trump sê dit is tyd vir Suid-Korea om deel te neem aan sy sending om die Straat van Hormuz te heropen.

Trump beweer dat Iran Maandag aanvalle op ’n Suid-Koreaanse vragskip en ander skepe uitgevoer het. Sy nuwe sending is daarop gemik om gestrande kommersiële skepe veilig uit die beperkte waterweg te lei.

Intussen sê Suid-Korea dat hulle die saak ondersoek. Die land se Ministerie van Buitelandse Sake sê daar was ’n ontploffing en ’n brand op die skip, met geen ongevalle aangemeld nie.