Trump verwyder 'n plasing waar hy soos Jesus uitgebeeld is

Amerikaanse president Donald Trump het ’n plasing op Truth Social verwyder met ’n beeld waarin dit lyk asof hy soos Jesus Christus uitgebeeld word, nadat dit teenkanting ontlok het.

CNBC berig Trump erken hy het dit wel geplaas, maar hy het gedink dit is hy as 'n dokter en dat dit met die Rooi Kruis te make het. Hy het bewerings ontken dat hy bedoel was om soos Jesus te lyk.

Trump het die beeld Sondagaand geplaas, wat blykbaar met kunsmatige intelligensie geskep is, nadat hy Pous Leo gekritiseer het oor sy kritiek op Amerikaanse militêre optrede teen Iran en Venezuela.

Die beeld het Trump uitgebeeld in ’n wit gewaad, met sy regterhand op ’n man wat siek of sterwend gelyk het, terwyl ’n helder lig uit die president se linkerhand straal, met die Amerikaanse vlag, arende en militêre vliegtuie wat agter hom vlieg.

Die plasing op sosiale media. FOTO: CNBC