Twee adjunkministers se personeellede kos Suid-Afrikaners meer as 14-miljoen rand jaarliks

Die kantore van twee adjunkministers in die Presidensie kos Suid-Afrikaanse belastingbetalers meer as R14-miljoen jaarliks.

Die minister in die Presidensie, Khumbudzo Ntshavheni, het die uiteensetting van uitgawes onthul nadat die ActionSA-LP, Athol Trollip, gevra het oor die totale koste verbonde aan elke adjunkministerposisie.

Ntshavheni het onthul dat die adjunkminister, Kenneth Morolong, se kantoor sewe personeellede in diens het, met ‘n totale jaarlikse salarisrekening van R7,4-miljoen.

Adjunkminister Nonceba Mhlauli se kantoor het ‘n span van agt personeellede en haar kantoor se totale jaarlikse salarisuitgawes beloop R7-miljoen.

Ter Illustrasie. FOTO: Unsplash