Twee is vas vir aanranding in Bhm
- Saamgestel deur Ilde Roos
- Jul 20
- 1 min read
Twee verdagtes is in Bethlehem in die Vrystaat hegtenis geneem nadat hulle na bewering 'n slagoffer met 'n onbekende middel in sy gesig gespuit het. Dit het sy oë laat traan, en die verdagtes het hom glo aangerand.
Volgens 'n polisieverklaring het hulle die slagoffer aangetref met kneusplekke aan sy gesig en 'n gebreekte linkerbeen.
Die verdagtes het in 'n wit Toyota Hilux-bakkie met handelsmerke daarop van die toneel gevlug. Die slagoffer is in 'n plaaslike hospitaal opgeneem.
Die motief vir die aanranding is nog onbekend, en die twee verdagtes sal na verwagting in die landdroshof in Bethlehem verskyn.
Comments