Twee is vas vir miljoene rand se onwettige sigarette

Saamgestel deur Ilde Roos
7 hours ago
1 min read

Die polisie in Bethlehem in die Vrystaat het twee mense in hegtenis geneem en onwettige sigarette ter waarde van na raming R7,8 miljoen tydens ‘n misdaadvoorkomingsoperasie gekonfiskeer.

Beamptes van die Openbare Orde Polisie-eenheid het gereageer op intelligensie oor vermeende smokkelware wat by ‘n eiendom in Morelig gestoor is. Hulle het 180 bokse onwettige sigarette ter waarde van R4,3 miljoen in ‘n Mercedes-Benz Sprinter gevind en nog 152 bokse ter waarde van R3,5 miljoen in ‘n nabygeleë stoorkamer.

Die verdagtes staan tereg op aanklagte wat verband hou met die besit van onwettige sigarette en sal na verwagting binnekort in die Bethlehem-landdroshof verskyn.