Twee sokkeraanhangers is dood ná Mexiko se oorwinning

Saamgestel deur Ilde Roos
2 hours ago
1 min read

Minstens twee mense is dood tydens massiewe vieringe in Mexikostad nadat die land se nasionale sokkerspan na die volgende ronde van die Wêreldbeker-toernooi deurgedring het.

IOL berig die twee is weens versmoring dood.

Na raming het meer as 'n miljoen mense in die strate van Mexikostad saamgedrom, hoofsaaklik rondom die Angel of Independence-monument, om die oorwinning te vier.

Die vieringe het gevolg nadat Mexiko vir Ecuador geklop het om hul eerste uitspeeloorwinning by 'n Wêreldbeker sedert 1986 te behaal.