Twee verdagtes is vir infrastruktuurdiefstal aangekeer

Twee verdagtes is in afsonderlike voorvalle in Bloemfontein en Botshabelo in hegtenis geneem vir die beweerde diefstal en beskadiging van noodsaaklike infrastruktuur.

Volgens Bloemfontein se kragverskaffer, Centlec, is een verdagte by Fase 4 aangekeer nadat amptenare op inligting gereageer het. Die man was glo in besit van gereedskap  en koperkabels met 'n geskatte waarde van meer as R32 000.

In 'n afsonderlike voorval in Botshabelo is inligting aan Centlec deurgegee oor 'n verdagte wat glo besig was om 'n sloot te grawe.

Die verdagte is later by sy woning in hegtenis geneem en staan tereg op aanklagte wat verband hou met die diefstal en beskadiging van noodsaaklike infrastruktuur.

Centlec sê in ‘n mediaverklaring ondersoeke duur voort en dat die polisie steeds na nog 'n verdagte soek wat vermoedelik by een van die voorvalle betrokke was.

Ter illustrasie. FOTO: Grok