Tyd raak min om geblokkeerde ID-nommers te betwis

Saamgestel deur Nadia Pieters
5 days ago
1 min read

Mense wie se identiteitsnommers voor November 2022 geblokkeer is, het net tot Vrydag tyd om dit by enige kantoor van die Departement van Binnelandse Sake te betwis.

SABC News berig die departement sê meer as twee miljoen identiteitsnommers is oor die jare om verskeie redes geblokkeer, onder meer weens duplikaatrekords en sake wat verdere verifiëring vereis.

Volgens die departement kan identiteitsnommers gekanselleer word indien mense nie voor die sperdatum by 'n kantoor aanmeld en die nodige dokumente indien nie.

Meer as 2,2 miljoen identiteitsnommers is reeds deur die verifiëringsproses gedeblokkeer.