Uitspraak in ‘n oud-Bloemfonteinse vroedvrou se saak is uitgestel

Saamgestel deur Nadia Pieters
Mar 26
1 min read

Die oud-Bloemfonteinse vroedvrou Yolande Maritz-Fouchee sal nog moet wag om te hoor of sy skuldig bevind word op ernstige strafregtelike aanklagte.

Volgens Maroela Media is uitspraak Woensdag in die hooggeregshof in Pretoria voorbehou nadat sy vlugtig in die hof verskyn het.

Maritz-Fouchee word daarvan beskuldig dat haar beweerde nalatige optrede en versuim bygedra het tot die dood van twee babas, terwyl twee ander gestremd gelaat is. Sy hou egter vol dat sy deurentyd met die nodige sorg opgetree het.

Die staat voer aan daar is sterk getuienis teen haar, insluitend bewerings dat sy ma’s tussen 2018 en 2019 aangerand, bedrieg en in gevaar gestel het.

Sy is reeds in 2021 deur die Suid-Afrikaanse Raad op Verpleging gederegistreer, en sal na verwagting in April haar lot hoor.