Uitspraak is voorbehou in Ramaphosa se Phala Phala-interdik

Saamgestel deur Ilde Roos
1 day ago
1 min read

Die Wes-Kaap-hooggeregshof het uitspraak voorbehou in president Cyril Ramaphosa se dringende aansoek om die parlement se Artikel 89-afsettingsproses te stop.

Ramaphosa wil hê die afsettingskomitee se werk moet opgeskort word terwyl hy die Artikel 89-onafhanklike paneel se verslag oor die Phala Phala-skandaal betwis. Die aansoek is Woensdag en Donderdag aangehoor.

Opposisiepartye het die aansoek as ‘n vertragingstaktiek beskryf en aangevoer dat dit bedoel is om aanspreeklikheid te vermy eerder as om die Presidensie te beskerm.

Ramaphosa se regspan het egter aangevoer dat dit onregverdig sou wees om die afsettingsproses toe te laat om voort te gaan voordat die hersieningsaansoek aangehoor word en kan reputasieskade aan die president veroorsaak.

Uitspraak word teen die einde van volgende week verwag.