uShaka Marine World sukkel om kop bo water te hou

uShaka Marine World ervaar finansiële uitdagings en sal 'n kontantinspuiting van R14 miljoen ontvang sodat hulle deure kan oop bly. Volgens IOL het die meerderheid van die eThekwini-raadslede die betaling aan die Durban Marine Theme Park, wat deur die munisipaliteit beheer word, tydens 'n raadsvergadering goedgekeur. Die voorsitter van ekonomiese ontwikkeling het beklemtoon dat die besluit om die nutsmaatskappy R14 miljoen te gee, nie 'n "reddingsboei" is nie, maar eerder 'n strategiese belegging. Dit aangesien die park sonder die befondsing gedwing kan word om bedrywighede af te skaal of opgeskort kan word, wat werksgeleenthede, toerisme-inkomste en die stad se reputasie in gevaar stel.